Qadınları kişilərdən çox olan İslandiya haqqında bilmədiklərimiz - MARAQLI

Qadınları kişilərdən çox olan İslandiya haqqında bilmədiklərimiz - MARAQLI

İslandiya dövlətinin adı dünən Azərbaycanın virtual məkanında o qədər müzakirə olundu ki, heç üç ay öncə Avro-2016 çərçivəsində İngiltərə yığmasını 1/8 finalda məğlub edib, sensasiyaya imza atanda belə olmamışdı.

Budəfəki müzakirələrə səbəb nəymiş, guya, İslandiyanın hakimiyyət orqanları island qızlarla evlənməyə qərar verən immiqrant kişilərə 5000 ABŞ dolları dəyərində birdəfəlik müavinət ödəmək fikrindədir. İddiaya görə, İslandiyada kişilərin sayı az olduğundan, qızlar ərə getmək imkanından məhrumdurlar. 

Hərçənd, İslandiya Xarici İşlər Nazirliyi hökumətin onların qadınları ilə evlənmək istəyən xarici kişilərə maliyyə kompensasiyası təklif etməsi xəbərini təkzib edib, amma Azərbaycanın internet məkanında bu istiqamətdə müzakirələr hələ də sürür. 

Bu xəbərdən sonra az qala İslandiyaya mühacirətə yollanmaq fikrinə düşən azərbaycanlı kişilər də oldu desək, yalan olmaz.

Bir sözlə, İslandiya bir gün içində azərbaycanlı oxucular arasında xeyli populyarlaşdı, bu ölkəyə maraq birə-beş artdı...

Modern.az saytı bunları nəzərə alaıb, İslandiya haqda maraqlı faktları təqdim edir
 
İslandiya sakinlərinin 80%-i paronormal hadisələrə, elflərə, qomlara və trollara inanır.
 
İslandiya əhalisinin sayı 331918 nəfərdir. Onların da 170503 nəfəri qadın, 40121 nəfəri 18 yaşdan aşağı oğlanlar, 85670 nəfəri 35 yaşdan yuxarı kişilərdir.
 
Ölkədə 24775 nəfər artıq çəkidən əziyyət çəkir. 778 nəfər kit ovu ilə məşğul olur.
 
321 nəfər vulkanların aktivliyini müşahidə edir, 2856 nəfər qoyun dərisini qırxmaqla məşğul olur.
 
Ada dövlətdə 23 məhkum, 189 təkayaqlı, 265 gözdən əlil, 33 həkim, 16 aşpaz, 7 massajçı və 1 baş məşqçi var.
 
İslandiya dəmir yolu xətti olmayan azsaylı ölkələrdən biridir.
 
 Ada dövlətində ordu yoxdur. Onun funksiyalarını qismən sahil mühafizəsi xidməti yerinə yetirir.
 
İslandiya dili son 100 ildə heç bir dəyişikliyə uğramayıb.
 
Ada yalnız IX əsrin əvvəllərində insanlar tərəfindən məskunlaşdırılıb.
 
Orta yaş həddi dünyada ən yüksək göstəricilərdən birinə malikdir: kişilərdə 81,3 il, qadınlarda isə 76,4 ildir.
 
Dünyada ən çox qeyzer İslandiyadadır. "Qeyzer” sözü ölkənin şimal-qərb hissəsində yerləşən və isti suyun fontan verdiyi Qeyzirdən götürülüb.
 
"Qeyzir" sözünün kökü isə "qeyza” – fontan vermək sözündən götürülüb.
 
İslandiyada polisə silah daşımaq qadağan edilib.
 
Ölkədə su şəffaf təmizliyə malik olduğu üçün filtrasiyadan keçmədən evlərə verilir.
 
İslandiya "Avroviziya”nın ən populyar olduğu ölkə sayılır.
 
İslandiyada ən populyar peşə sahələri rəssamlıq, musiqiçilik və dizaynerlik sayılır.
 
2009-cu ildə İslandiyanın baş naziri seçilən Yohanna Siqurdardottir homoseksual nikaha daxil olan ilk hökumət rəhbəri kimi tarixə düşüb.